~*~Teri Yaad Ka Mosam~*~


Bhanwar dariya main jaisey , ya bagola koi sehra main
k jaisey laal aandhi garmiyon ki shaam main aa'ey
kabhi phoolon bhari shakhain achanak sookh jati hon
kabhi kanton bhari tehni pe koi Gul ka khil jana
k tapti dhoop main jaisey kisi badal ka ik tukra
k jaisey sard mousam main sunehri dhoop ki kirnain
k jaisey gehrey badal sey kabhi sooraj nikal aaey
kabhi janmon ki piyasi ye zameen ik boond ko tarsey
kabhi lamhon ki barsatain bohut jal thal machati hon

k jaisey koi mousam aik mousam sey ulajh jaey
k pal bhar main wo mousam doosrey mousam main dhall jaey
k mousam ko badalney main zara see dair lagti hay
k mousam aur teri yaadain hamesha aik lagti hain
mujhey kuchh aisa lagta hay k har mousam
hay teri yaad ka mousam .... !!