Khuwahisho'n k aangan mein


khuwahisho'n k aangan mein, raat din basary thay,
titlia'n tumhari thein or phool mery thay,

chaand aasmano say, jub zameen pay utra tha,
deykhny mein raatein thein, asal mein saveyry thay,

teray saath basny ki, khai thi qasam lekin,
sheher bhi paraya tha log bhi lutery thay,

lut gay hein hum dono, to qasoor kis ka hay?
khuhishein bhi teri thein, faislay bhi tery thay