~*BARISH*~


Barish ki yeh pehli boondain
Kesa jadu karti hein
Dil say khoon k qatray lay ker
Meri ankhain bharti hein
Barish k is deebachay say
Kitnay manzer khultay hein
Khuwab sa Aalm, Lehja Madham,
Aankhain Nam Nam, Bheega Mausam,
Pehli barish,pehli khuwahish,
Pehla jazba, pehla waada,
Pehli khushbu, pehla aansoo,
Chup chup rehna
Soch mein parna
Jo bhi kehna tashna kehna
Toota fiqra, aadha jumlaa,
Jalti sansein, thandi aahen,
Bojhal palkain, saahir aankhain
Dhani Jora, sabz dupatta,
Lambay gaisoo, qatil khushboo
Eik pehar mein
Eik jag beeta
Main nay tera bazoo thama
Wasal ki is pehli barish mein
Kiya kuch khoya, kiya kuch paya
Barish ki yeh pehli boondein
Keisa jadu karti hein
Dil say khoon k katrey lay ker
meri ankhein bharti hein
Barish k is deebachay say
Kitnay manzar khultay hein...!!!!!